而家嘅天氣時熱又時濕, 最好多飲些既可祛濕又可清熱清心火嘅湯水, 今次用上乾海底椰可清涼, 菊花可解濕熱, 蘆根和茅根可清熱, 天冬養陰, 白芍可平肝清熱, 加入咗紫草絨, 對有皮膚敏感或濕疹患者都有防治療效, 尤其係這種天氣, 更宜飲用.  煲一大鍋, 可雪凍飲用, 一家人都可消暑清涼啦 !

中式牛柳係一道好受香港人歡迎嘅小菜, 皆因其酸酸甜甜嘅味道包著每一片牛柳, 總令人特別醒胃, 回味無窮, 所以我就將這中式汁料融入玉子豆腐中, 再配上時令芒果來泡製, 既能促進食慾, 又可回味番呢種味道, 而這小菜之關鍵就在於汁料方面, 要酸甜適中, 恰到好處.  但切記因芒果帶濕毒, 故如有皮膚病或腫瘤病患者都不宜食用.

天氣漸熱, 可消暑清心火嘅湯水真係唔少得, 煲一大鍋再雪凍飲用, 清熱解渴, 而今次介紹俾大家飲用嘅洋蔘蜜, 配上幾種能養陰而不燥之藥材, 可養陰清心火嘅天冬, 可補腎益胃嘅石斛, 可祛濕寧神嘅伏神, 既清熱又祛濕, 啱哂而家又熱又落雨帶濕嘅天氣,  一家大小都啱飲 !!  不過石斛係較昂貴嘅藥材, 每兩約200-500元不等, 所以豐儉由人吧 !

玉竹和無花果通常會用來煲湯,  不過今次我來做個甜湯, 可當作飯後甜品來享用, 而營養豐富嘅玉竹和無花果亦弄得爽甜可口, 冷熱食皆宜, 夏天雪凍後食用, 更可生津解渴, 清熱解毒. 大家可知無花果被譽為『健康大使』, 因含有豐富抗氧化物, 具有抗衰老之效。而無花果和蜂蜜都同具有通便潤腸之功效. 另外, 俾個小貼示大家, 玉竹可為石斛之代替品, 兩者都可滋陰補腎肺, 只分別於玉竹嘅價錢就平民化得多, 而石斛就要幾百元一兩, 所以就豐儉由人吧 !!

通常女士們總愛滋補, 而小朋友就要補腦, 老人家要補腎, 呢款湯水就正好具有以上多種食用療效, 猴頭菇既利五臟又滋補強身, 配上既補腎健腦嘅合桃和牛大力, 加入具有祛濕功效嘅食材, 既能健脾祛濕又夠滋補, 一家大細都啱飲呀 ! 雖然呢款湯水無用豬骨或豬展, 但味道都好清甜可口.